Тухель “Челси”га зўр футболчи чақирди

Мёнхенгладбахнинг “Боруссия” клубида тўп тепаётган Йонас Хофманн ёзда “Челси” сафига қўшилиши кутилмоқда.

“Челси”нинг германиялик янги бош мураббийи Томас Тухель ўз ҳамюртини Лондонга кўчириб келишда бош бўлмоқчи. Тухель Хофманнинг манфаатларини ҳимоя қилаётган агентлар билан шахсан гаплашди.

Ўз навбатида, мёнхенгладбахликлар устози Марко Розе Дортмунднинг “Боруссия”сига ўтиб кетиши ҳал бўлганидан кейин, Хофманн ҳам жамоани тарк этишни истамоқда.

Жорий мавсумда истеъдодли футболчи барча турнирларда 21 та ўйинда майдонга тушиб, олтита гол урди ва тўққизта голли пас узатди.

Матнда хатолик топсангиз, ўша хатони белгилаб, бизга жўнатинг (Ctrl + Enter)