Тухель Каванига "Монако"дан ўринбосар топиб қўйди

"Монако" клуби ҳужумчиси Виссам Бен-Йеддер фаолиятини Париж гранди сафида давом эттириши мумкин.

ABC нашри тарқатган хабарга қараганда, ПСЖ бош мураббийи Томас Тухель 29 ёшли футболчини ёзда жамоадан кетадиган ҳужумчи Эдинсон Кавани ўрнига муносиб номзод сифатида кўрмоқда.

Сўнгги маълумотларга кўра, 33 ёшли уругвайлик футболчи Аргентинанинг "Бока Хуниорс" клубига кўчиб ўтади.

Бен-Йеддер бу мавсум “Монако” сафида 31 та ўйинда майдонга тушди ва 19 та гол ҳамда 9 та голли узатма ёздириб қўйишга эришди.