Тухель Мбаппенинг жароҳати ҳақида маълумот берди

ПСЖ клуби бош мураббийи Томас Тухель "Нант"га қарши беллашувдан (3:0) кейин ташкил этилган матбуот анжуманида Киллиан Мбаппенинг майдонни бироз оқсаб тарк этгани ҳақидаги саволларга жавоб қайтарди:

"Мбаппе вазиятида жароҳат бўлган, деб ўйламайман. У бироз чарчаган бўлса керак. Худди шундай ҳолат Кин билан ҳам содир бўлди. У бир неча ишончли зарбаларни йўллади. У ўйнашни хоҳлаганди, аммо мен йўқ, дедим. 

Ҳозир таваккал қилишнинг ўрни эмас. Бошқа ҳеч бир футболчим жароҳат олишини истамайман", - деди немис мутахассиси.