Тухелнинг ПСЖдан кетиши "Реал" режаларига таъсир ўтказиши мумкин

Томас Тухель ПСЖдан кетиши ортидан "Реал" Килиан Мбаппенинг трансферини амалга оширишда қийинчиликларга дуч келиши мумкин.

As нашри манбасига кўра, франциялик футболчи германиялик мутахассис билан муносабатлари сабаб Париждан кетиш ҳақида ўйлаётган эди. Бироқ агар Тухель кетиб, жамоа бошқарувига Муарисио Почеттино келадиган бўлса, унда 22 ёшли футболчи ПСЖ билан шартномани узайтириши мумкин.

"Реал" Мбаппе учун 2021 йилда 180 миллион евро тўлашга тайёр. Агар парижликлар ҳужумчининг трансфер учун ушбу суммадан кўпроқ талаб қиладиган бўлса, унда "қаймоқранглилар" раҳбарияти музокараларни тўхтатишади.

Олдинроқ, ПСЖ Тухель билан шартномани бекор қилгани ҳақида хабар тарқатилган эди, бироқ бу ҳақида расмий баёнот берилгани йўқ.