U-17 Осиё кубоги. Бугун Ўзбекистон финал йўлида Осиёнинг энг кучли жамоаларидан бирига қарши ўйнайди

Бугун Ўзбекистон U-17 терма жамоаси Осиё кубоги ярим финалида Японияга қарши майдонга тушади.

Турнирнинг энг муҳим баҳсларидан бири Саудия Арабистонининг Жидда шаҳридаги “King Abdullah Sports City” стадионида бўлиб ўтади. 

Учрашув Тошкент вақти билан 20:00’да старт олади.

Эслатиб ўтамиз, вакилларимиз чорак финал босқичида Жанубий Кореяни пеналтилар сериясида мағлуб этган эди.