U-17 Осиё кубоги. Ўзбекистон ишончли ҳисобда Австралияни мағлуб этиб, гуруҳда пешқадам бўлди

Саудия Арабистони 17 ёшгача бўлган футболчилар ўртасидаги Осиё кубогига мезбонлик қилмоқда. “D” гуруҳидан ўрин олган Ўзбекистон U-17 терма жамоаси сўнгги 3-турда Австралияга қарши баҳс олиб борди.

Мазкур беллашувда вакилларимиз 2:0 ҳисобида ғалаба қозонди. Голларга Миркомил Муродов ҳамда Аҳрор Равшанбеков муаллифлик қилди.

Шу тариқа, Сергей Чигодаев шогирдлари гуруҳда 6 очко тўплаб, кейинги босқичга чиқди.