U-17 Осиё кубоги. Ярим финалнинг икки иштирокчиси аниқланди

Саудия Арабистони 17 ёшгача бўлган футболчилар ўртасидаги Осиё кубогига мезбонлик қилмоқда.

Турнирнинг чорак финалидан ўрин олган икки учрашув ўз ниҳоясига етди. Япония бир киши кам бўлиб қолган Тожикистонни йирик 5:0 ҳисобида мағлуб этди. Шунингдек, Саудия Арабистони Хитойга 1:3 ҳисобида имкониятни бой бериб, мусобақани тарк этди.

Шу тариқа, Япония ва Хитой ярим финалга йўл олди.

Ушбу босқичнинг қолган жуфтликларида Ўзбекистон — Жанубий Корея ҳамда Вьетнам — Австралия жамоалари ўртасида баҳслар ўтказилади.