"У билан баъзида келишмовчиликлар юзага келарди" - Бензема Моуриньо билан можаро ҳақида гапирди

Мадриднинг "Реал" клуби юлдузи Карим Бензема Моуриньо билан содир бўлган можарони эслади.

"У билан баъзида келишмовчиликлар юзага келарди. Бир куни "Мальорка"га қарши ўйин олдидан меҳмонхонада суҳбатлашдик. Биз бир-биримизга анча кескин гапларни айтдик, жанжаллашдик ва охирида мен: "Эртага гол ураман ва биз ғалаба қозонамиз",-дедим. 

Эртаси куни худди шундай бўлди. Биз менинг ягона голим эвазига минимал ҳисобда зафар қучдик",-деди франциялик форвард. 

Эслатиб ўтамиз, португалиялик мутахассис 2010-2013 йиллар оралиғида "қироллик клуби"ни бошқарган.