"У биз учун ҳақиқий қуролга айланиши мумкин"

Мадриднинг "Реал" клуби бош мураббийи Карло Анчелотти Ла Лига 18-тури доирасидаги "Кадис"га қарши учрашувдан сўнг жамоа юлдузи Эден Азар ҳақида фикр билдирди:

"У учун майдонга қайтиш қийин бўлди. Эден иккинчи бўлимда нисбатан яхшироқ ҳаракат қилди. Азар қанотда ўйнашга одатланмаган, марказда кучлироқ ўйнайди. У мавсумнинг иккинчи қисмида биз учун ҳақиқий қуролга айланиши мумкин",-деди Анчелотти.

Жорий мавсум бельгиялик футболчи 11 учрашувда майдонга тушиб, 1 голга ассистентлик қилди. У сўнгги 3 ой ичида илк бор "қаймоқранглилар" либосида ўйинни асосий таркибда бошлади.

30 ёшли Азар 2019 йилда "Челси"дан "қироллик клуби" таркибига 115 миллион евро эвазига кўчиб ўтган эди.