У жамоага керак! Флик "Бавария" юлдузини ўз таркибида кўрмоқчи

"Барселона" бош мураббийи Ханс-Дитер Флик жамоага "Бавария" ҳимоячисини олиб келиш ниятида.

Мутахассис "Бавария"нинг ҳужумкор ярим ҳимоячиси Жамал Мусиалани ўз таркибида кўришни хоҳлаяпти. "Барселона" Мусиала билан шартнома имзолашнинг қийинлигини тушунади. Бироқ, клуб ёзда буни амалга оширишга ҳаракат қилади. Шу билан бирга, Каталония клубининг молиявий аҳволи бу трансферга тўсиқ бўлиши мумкин. Сабаби, футболчини сотиб олиш катта харажат талаб этади.

Аввалроқ, "Бавария"нинг 21 ёшли хавбек билан шартномани узайтириш бўйича музокаралар олиб бораётгани ҳақида хабарлар тарқалган эди. Футболчининг немис клуби билан амалдаги шартномаси 2026 йилнинг ярмига қадар амал қилади.

Маълумот учун, Флик Мюнхен клубида мураббийлик қилган пайти Мусиала билан ишлаган ва айнан унинг раҳбарлигида истеъдодли футболчи 2020 йилда асосий жамоада дебют қилган эди.