“У шундай инсон”. “Сити” футболчиси 12 йилга қамалган отасини озод бўлишини кутмоқда!

Англиянинг “Манчестер Сити” клуби футболчиси Калвин Филлипс яқинда каттагина интервью берди. Унда футболчи айни дамда озодликдан маҳрум этилган отаси ҳақида батафсил тўхталди. Футболчининг сўзлари ва отаси борасидаги фикри кўпчиликнинг эътиборини тортди. Марк Филлипс наркотик моддалар сабабли 12 йилга озодликдан маҳрум этилган бўлиб, айни дамда ғарбий Йоркшир қамоқхонасида ҳукмни ўтамоқда.

“Уни 6 йил деганда илк бор кўргани бордим. Худди ўртада ҳеч қандай муддат йўқдек. Худди у билан ҳеч қачон хайрлашмагандекман. Ҳа, бироз қариб қолибди, аммо уни сўнгги бор кўрганимдагидан ўзгариб кетмаган. Дадам билан узоқ суҳбатлашдик. Роса кулишдик. У мен билан фахрланишини айтди.

Ёшлик давримизда отам доим бизни шахсий ҳаётимизга аралашмаслик учун ўзини четга олган. Айнан шу сабабли ёшлигимизда уни бор ёки йўқ эканлигини сезмаганман. Катта бўлганим сари менга камроқ қўнғироқ қиладиган бўлди. Кейинчалик, бизни умуман безовта қилмай қўйди. Бизни вақтимизни ва эътиборимизни бошқа нарсага қаратишни истамади. У фарзандларини шахсий ҳаётига аралашиб қолишдан бор кучи билан узоқ турадиганлар сирасига киради.

Унга менга исталган пайтида қўнғироқ қилиш мумкинлигини такрор ва такрор айтганимдан кейин ҳам 3 ойгача телефон қилгани йўқ. Сўнгги бор борганимда яна бир бор телефон орқали мен билан боғланиши мумкинлигини айтдим, бироқ ҳали-ҳамон қўнғироқ бўлгани йўқ.

У мана шундай инсон. Ҳеч қачон дадам билан ўртамиздаги муносабатда муаммо бўлмаган. Уни озодликда бўлишини жуда ва жуда истайман. Ҳар куни хотиржам уйда ухлашни, футбол учрашувларини стадиондан томоша қилишини орзу қиламан. Бу кунларни кўриш учун яна бир неча йил сабр қилишимга тўғри келади.

Дадамга қамоқдан озод бўлгач, унга ғамхўрлик қилишимни, машина ва уй билан таъминламоқчи эканлигимни айтдим. У эса буларнинг ҳеч бири унга керак эмаслигини айтди. У шунчаки саёҳат қилиш ва мени футбол ўйнашимни стадионда томоша қилишдан бошқа орзуси йўқ эканлигини айтди. Албатта, бу ишларни амалга ошириш учун қўлимдан келган барча ишни қиламан!".