У Тайсон ўрнига Пол билан жанг қилишга тайёр

Собиқ жаҳон чемпиони кичик Рой Жонс блогер Жейк Полга қарши жангда Майк Тайсоннинг ўрнига иштирок этиши мумкинлигини айтди.

"Эҳтимол, ўша жанг учун яхши формада бўларман. Ҳозирда мен Жейк Пол билан жангда Майк Тайсонни алмаштириш учун энг зўр вариантман. Аввал, ҳеч қачон Пол билан жанг қилиш ҳақида ўйламаганман. Менимча, Жейк Полга қарши тўқнаш келиш – бу ўн йилликнинг энг катта жангларидан бири бўлади",  – деди Жонс.

Эслатиб ўтамиз, Пол(9-1, 6 KO)нинг Тайсон(50-6, 44 КО)га қарши жанги 20 июль куни бўлиб ўтиши керак эди, бироқ Майкнинг соғлиги билан боғлиқ муаммолари сабаб баҳс номаълум муддатга қолдирилди.