Уч футбол конфедерацияси ФИФАга қарши чоралар тайёрламоқда

The Times нашри ёзишича, бундай сценарий ФИФА президенти Жанни Инфантино 2027 йилда яна шу лавозимга номзодини қўйишга қарор қилган тақдирда кўриб чиқилмоқда. Манба маълумотига кўра, уч қитъа конфедерацияси раҳбарлари босим ўтказишнинг бошқа йўлларини ҳам муҳокама қилмоқда. 

Улар орасида ФИФА кенгаши мажлисларини бойкот қилиш, шунингдек, ташкилотнинг айрим қарорларини қўллаб-қувватлашдан бош тортиш каби чоралар бор. Бу ҳаракатларнинг асосий мақсади – ФИФА раҳбариятини алмаштириш.

Қайд этилишича, муносабатлар кескинлашувига Инфантинонинг жаҳон чемпионати бўйича айрим тижорат ҳуқуқларини хусусий инвесторларга сотиш ташаббуси сабаб бўлган. Ушбу ғоя бир қатор футбол конфедерациялари ва миллий федерациялар норозилигига сабаб бўлди.