Уч нафар ишонган боксчимизнинг мағлубиятига сабаб нима бўлди? Мутахассислар жавоб берди

Айни кунларда Токиода Олимпия ўйинлари қизғин паллага кириб бормоқда. Ҳозирча Ўзбекистон делегацияси ҳисобида битта олтин ва бир бронза медаль бор. Бироқ, олдинда баъзи спорт турларидан вакилларимиз ўз чиқишларини амалга оширади ва ўйлаймизки, янада медаллар сони ошади.

Барча боксчиларимиздан яхши натижалар қайд этишини кутганди. Аммо, баъзи ишонган вакилларимиз тўрт йилликнинг энг муҳим турниридаги иштирокини эрта якунлашга мажбур бўлишди. Айниқса, Миразизбек Мирзаҳалилов ачинарли тарзда мусобақани тарк этди.

Шунингдек, Дилшодбек Рўзметовдан ҳам умидимиз катта эди. Бобоусмон Ботуров ҳам имкониятни бой бериб қўйди.

Биз айнан ушбу уч боксчимизнинг мағлубиятларига сабаб бўлган омиллар ҳақида бокс олами вакилларининг фикри билан қизиқдик.

Рустам Саидов – мураббий

- Биласизми, кутилмаган воқеалар кўпайиб кетди. Албатта, юқори даражадаги босим, масъулият ва ҳаяжон бироз халақит берди. Бундай ҳолат бизнинг вақтимизда ҳам бўлганди.

рустам ака1_1

Аскар Мамедов –собиқ боксчи

- Олимпиадада энг кучлилар иштирок этади. Шунчаки, боксчиларимиз яхши тайёргарлик кўра олмаган.

аскар ака

Бобур Нажмиддинов – мураббий

- Миразизбек Мирзахалилов қаршисидаги рақибини ҳар томонлама мағлуб этганди. Бироқ, ҳакамларни мағлуб эта олмади холос.

Дилшодбек Рўзметов иштирокидаги жангнинг биринчи раундида ҳакамларни фикрига қўшилмаган бўлардим. У дастлабки раундни яхши ўтказганди. Бироқ қолган икки раундда у ўз имконияти даражасида ҳаракат қила олмади.

Бобоусмонга келсак, у Маккормак билан дастлабки тўқнашувидан кўра, бу сафар яхшироқ ҳаракат қилди. Аммо, бу етарли бўлмади. Чунки британиялик боксчи ҳақиқатдан кучли эканлигини исботлади. Лекин уларни мағлубият билан айбламаган бўлардим. Чунки, ким ҳам Олимпиадага мағлуб бўлиш учун борарди.

Бобуржон

Жалол Аҳмедов – журналист

- Миразиз Мирзахалилов ўз услубида жанг олиб борди. Одатда у жангларида 1-раундда имкон бериб, 2 ва 3-раундларда рақибини янчиб ташлар эди. Куртга қарши жанг ҳам шундай бўлди. Aммо, ҳакамлик фактори сабаб имкониятни бой берди. Тўғри, Миразизда ҳимояда ҳам хатолар кўзга ташланди.

 Дилшод эса ўз даражасида жанг қилмади. У Aльфонсони олдин ҳам мағлуб этган. Бу сафар 1-раундда ҳам ғалаба қозонгандай кўринди-ю, яна ҳакамлар рақибга бергач, руҳияти тушиб кетди ва кейинги раундларда ҳақли тарзда мағлуб бўлди.

Бобоусмон услуб жиҳатдан жуда ноқулай боксчи, шу билан бирга Маккормак анча кучли рақиб эди. Бобоусмон олдинги жангига нисбатан яхшироқ ҳаракат қилди, лекин барибир даража жиҳатидан Маккормак кучлироқ кўринди.

жалолбек

Дилшод Маҳмудов – мураббий

- Миразизбек Мирзахалиловни жангида ҳакамалар ғалабани шунчаки рақибга бериб юборди. Боксни тушунмайдиган инсонлар ҳам буни англаганлигига гувоҳ бўлмоқдамиз.

дилшод ака

Илҳом Ҳакимбеков – Ўзбекистон профессионал бокс федерацияси Фарғона вилояти мутасаддиси

- Миразиз 1- раундни ҳақиқатда ютказди. Лекин 2 ва 3-раунд рақибига имконият қолдирмаганди. Яъни, ҳакамлик Миразизга панд берди.

Бобоусмон ҳаракат қилди. Бироқ,тан олиш керак, рақиби кучли ва техникаси юқори боксчи экан.

Дилшод ҳали ёш ва бу унинг илк Олимпиадаси эди. Назаримда бироз тажриба камлик қилди.

илхомжон ака

Мансур Муқимов – мураббий

- Миразизнинг рақиби жуда тезкор экан. У дастлабки раундларда ушбу тезлиги эвазига очколар тўплаб олишга улгурди. Қолган икки раундда Миразизнинг йўллаган аниқ зарбалари ҳам уни мағлубиятдан қутқара олмади. Илк раундданоқ у фаол бўлиши керак эди.

Бобоусмон жуда меҳнаткаш бола. Лекин бу ғалаба учун камлик қилди. Бобоусмонда ранг-баранглик йўқ. Бир хил услубда ҳаракат қилди. Рақиб эса бундан унумли фойдаланди ва самарали ҳужумлар билан ғалабани ўз томонига оғдириб олди.

Дилшодни рақиби эса, уни жуда яхши ўрганган экан. Бир сўз билан айтганда унга бироз тажриба етишмади.

мансур ака

Ҳусан Ширматов – промоутер

- Миразизбек яққол ғалаба қозонган эди. Ҳакамлар нега бундай қарор чиқаргани тушунарсиз бўлди.

Бобоусмон жуда кучли рақибга имкониятни бой берди. Класс борасида ҳам Маккормак Бобоусмондан устун эди.

Дилшод жангда руҳий жиҳатдан имкониятни бой бериб қўйди. Албатта, ғалаба ва мағлубият спортнинг бир қисми ҳисобланади. Қолган боксчиларимизга омад ёр бўлишини тилаб қоламиз.

хусан ака

Қудратилло Абдуқаҳҳоров – профессионал боксчи

- Бу борада бирор фикр билдира олмайман. Ҳаммаси Аллоҳдан! Фақат шуни айтишим мумкинки, Олимпиадада техникаси яхши ривожланган, зарбаси кучли, омадлилар ютади.

қуди

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
Baxil Alihuja
31/07/2021 17:37
Сарлавха нотугри! Уч нафар ишонган дейин нотугри! Бобоусмон яхши боксчидур, лекин аъло эмас! Бу йигитчани максимум натижаси Узбекистон чемпиони булиш холос, Халкаро бирон ютук олишга кодир эмас! Дилшод хали ютукларга эришади! Миразиз бемалол Олимпиадани хам олишга кодир, факат бироз кахри каттикрок булиши керак!
Baxil Alihuja
31/07/2021 17:30
Бобур Нажмиддинов, Дилшод Маҳмудов, Илҳом Ҳакимбеков, Ҳусан Ширматов ларни фикрига 100% кушилган холда шуни айтиш керакки, Миразиз жангни ютганди, факат кунгил бушлик килди. Миразиз зарбаларни бергач, зар гал ракибини аягандек, каттикрок зарба бергани учун айбдорона караб тургани темпни йукотди. Миразиз янада шавкатсизрок булиб, бир неча нокдаун билан ютиши хам мумкин эди.
Бобоусмон минг чиранса хам, Маккормакни енголмаслиги аник ЭДИ! Дилшод эса рухий тайёр эмас эди. Дилшодни хаёлида бошка хаёллар бор эди-ёв! Фанат эса бирозгина тажрибасизлиги билиниб колди!