Учта голдан кейин россиялик мураббий ўзбек футболчиларининг устун томонларини тан олди

Бухородаги "Бухоро Арена" стадионида  Ўзбекистон ва Россия ёшлар терма жамоалари ўртасидаги биринчи ўртоқлик учрашуви 3:3 ҳисобида якунланди.

Ўйиндан кейин Россия ёшлар терма жамоаси бош мураббийи Иван Шабаров ўз фикр-мулоҳазаларини билдирди.

—  Ҳисоб 3:3 бўлди. Ўйин ҳақида нима дейсиз?

— Натижа қониқтиргани йўқ, чунки биз ғалаба қозонишни истаган эдик. Ким билан ўйнашни фарқи йўқ, Ўзбекистон биланми ёки Англия билан. Ҳар бир учрашувда ўйинчиларни ғалабага ўргатяпмиз. Лекин ўйиннинг ўзи яхши бўлди, муаян даражада қониқиш бор.

Биз стандарт вазиятларда юқоридаги тўп учун курашда хатоларга йўл қўйдик, рақиб бу борада бизга жуда кўп муаммо туғдирди. Бу ишлашимиз керак бўлган муаммоларни очиқ кўрсатди. Бу маълумотлар фақат биз учунгина эмас, ўйинчилар тайёрланаётган клубларга ҳам керак.

— Бу муаммоларга тезкор ечим топиб бўлмайдими?

— Йўқ. Бу маҳорат узоқ муддат давомида шаклланади. Бунинг учун махсус машқлар ишлаб чиқиш керак. Улар орқали футболчилар юқоридан келаётган тўп учун курашишни, тўпни эгаллаб олишни ўрганади. Ҳеч кмига эътироз қилмоқчи эмасман, лекин ўйиндаги муаммоларимиз айнан шундан келиб чиқяпти.

Биринчи бўлимда тўпга эгалик қилганимизга қарамай, ҳужумкор ўйин кўрсата олмадик. Тўп орқа чизиқда қолиб кетди, олдинги силжимади.  Прессинг орқали, босим ўтказиб,хавфли вазиятлар яратдик. Голни ҳам шундай урдик.

Танаффусдан кейин рақиб толиқиб қолди ва бўш ҳудудлар очилди. Лекин бу ҳолатга келгунича бир бўлимни сарфлаб юбориш қимматга тушади.

— Пенальти бўлган вазиятни қандай баҳолайсиз?

— Ҳали видеотакрорни кўрмадим. Энг асосийси, пенальти эмас, рақиб тўпга биринчи етиб келганидир. Демак, бу вазиятда етарлича яхши ўйнамадик. Умуман олганда, бурчак тўпи, аутдан кейин юзага келди. Биз ҳужумдан ҳимояга ўтишда сусткашликка йўқ қўйдик. Бурчак тўпи ана шу хатолар серияси оқибатидир.

—Иккинчи ўртоқлик ўйинидан нима кутяпсиз?

— Бошланғич таркиб бошқа бўлади. Бугун ўйнамаганлар майдонга тушади. Биринчи учрашувдан хулоса чиқарамиз. Рақиб ҳам бизни ўрганади, қандайдир ҳаракатларни амалга оширади. Қизиқарли ўйин бўлади.

— Россия терма жамоасида энг яхши футболчи сифатида кимни эътироф этасиз?

— Умумий олганда Глебов яхши ўйнади. Рядно ва Рожков фаоллик кўрсатди. Захирадан ўйинга қўшилган орасидае Иванов ва Юшков ёқди.  Бу ўйинчилар бошқалардан яхшироқ кўринди. Лекин бирортасини алоҳида ажратиб кўрсатб бўлмайди. Чунки ҳеч ким бир кучи билан ўйнамади.

Файзуллаев Шомуродов ортидан Европага боради

Ўзбекистон ва Россия тўқнашувида олтита гол бўлди