Fayzullaev Shomurodov ortidan Evropaga boradi
Rossiya yoshlar terma jamoasi navbatdagi o‘quv-mashg‘ulot yig‘inini Buxoroda o‘tkazmoqda. Rossiyalik futbolchilar o‘zbekistonlik tengqurlari bilan ikkita o‘rtoqlik o‘yinida ham kuch sinashadi.
Voqealarni yoritib borayotgan “Match TV” kanali O‘zbekiston yoshlar terma jamoasi katta murabbiyi Farhod Nishonov bilan suhbat uyushtirdi. Suhbat davomida gap Rossiya Premer-ligasiga yo‘l olgan o‘zbek futbol maktabi tarbiyalanuvchisi Abbosbek Fayzullaev masalasiga taqaldi.
Ma’lumki, avgust oyida “Paxtakor” etakchilaridan hisoblangan Abbosbek Moskvaning TsSKA klubiga qo‘shildi. Poytaxtliklar iste’dodli o‘yinchi bilan 3+1 ko‘rinishida shartnoma imzoladi. Ayni paytda 19 yoshli legionerimiz “armiyachilar”ning asosiy tarkibiga kirish uchun kurashni davom ettirmoqda.
Fayzullaev Rossiya Premer-ligasida ikki marta zaxiradan maydonga tushdi. Shuningdek, Rosiya kubogi doirasidagi uchrashuvni boshlag‘ich tarkibda boshladi.
— Abbos Fayzullaev haqida nima deya olasiz?
— Abbos juda iqtidorli o‘yinchi. TsSKAning asosiy futbolchilaridan biri bo‘lishiga aminman. Bu jamoada raqobat jiddiy, moslashib olishi uchun biroz vaqt kerak. Doimiy o‘yin amaliyotiga ega bo‘lishi uchun unda hamma imkoniyat etarli.
— U Eldor Shomurodovning yo‘lini takrorlab, Rossiyadan Evropa chempionatlaridan biriga o‘ta oladimi?
— Albatta. Abbosbek iste’dodli va tarbiyali futbolchi. Yaxshi inson. U har doim o‘z ustida ishlaydi, mahoratini oshirib boradi.
— O‘zbekiston milliy terma jamoasining bo‘lajak yulduzi, desak bo‘ladimi?
— Bunga aminman.
Darhaqiqat, Rossiya Premer-ligasi, Belarus oliy ligasi kabi chempionatlar o‘zbek futbolchilari uchun Evropaga yo‘l ochadigan musobaqa sifatida e’tirof etiladi. Bugungi kunda Italiyada to‘p tepayotgan Eldor Shomurodov kuchli beshlik chempionatlariga Rossiya orqali yo‘l olgan.
O‘zbekiston milliy terma jamoasi sardori “Rostov”dagi samarali o‘yinlari ortidan A Seriyaga yo‘l oldi.
Bu yil esa, O‘zbekiston yoshlar terma jamoasida Abbosbek Fayzullaev bilan birga o‘ynagan Abduqodir Husanov Belarus oliy ligasidan Frantsiyaning “Lans” klubiga ko‘chib o‘tdi. Hozircha, kuchli beshlik ligalaridagi vakillarimiz soni ikki nafarni tashkil qilmoqda.
Abbosbek Fayzullaev esa, Rossiya Premer-ligasida mahorati va tajriba oshirib, yaqin kelajakda Evropaning etakchi ligalariga yo‘l olishi mumkin.
Shu o‘rinda, joriy mavsumda Rossiya Premer-ligasida Abbosbek Fayzullaevdan tashqari Ibrohimxalil Yo‘ldoshev va Ruslan Jiyanov “Nijniy Novgorod”, Rustam Ashurmatov va Umarali Rahmonaliev “Rubin” jamoalari sharafini himoya qilayotganini ta’kidlash lozim.
Kunkabaev Jalolovdan alamini olish yo‘lini topganini aytdi
Meksika to‘qnashuv oldidan O‘zbekistonning ikki qurolidan xavotirda: Biri Shomurodov, ikkinchisi...
Frantsiyada o‘zbek futbolchilarini kuzatishyapti
Shomurodovni uyg‘otib qo‘yinglar...
Italiyalik muxlislar Shomurodovni muhokama qilmoqda: yaxshi gap ham, tanqid ham etarli!
Husanov jamoasi haqida hayratlanarli fakt!
Shomurodov transferi o‘zini oqlaydimi?
Fanatlar Shomurodovdan nimani talab qilyapti?
Fikrlar