УEФА МЮни жазолади

Англиянинг “Манчестер Юнайтед” клуби УEФА томонидан жазоланадиган бўлди. Европа Лигаси финалидан сўнг антидопинг дастурини бузганлиги учун “қизил иблислар” 100 минг еврога жаримага тортилди.

Бундан ташқари, ҳимоячилар Дейли Блинд ва Фил Жонслар ҳам жаримага тортилишди.

Голландиялик футболчи допинг назоратидан ўтмаганлиги учун 5 минг евро миқдоридаги жаримага тортилди. Ўша баҳсда заҳирада қолган Фил Жонс эса УEФАнинг допинг назорати офицерини ҳақоратлагани учун у ҳам 5 минг евро миқдоридаги жаримага тортилди.

Бундан ташқари, Жонс жамоасининг УEФА байроғи остида ўтадиган турнирдаги кейинги икки ўйинини дисквалификация сабаб ўтказиб юборади.