УЕФА Россия терма жамоасининг бўлажак мусобақалардаги иштирокига ойдинлик киритди

УЕФА Миллатлар лигасининг 2026/27 йилги мавсумига қуръа ташлаш учун саватчалар таркибини эълон қилди. Иштирокчилар орасида Россия терма жамоаси йўқ. УЕФАнинг бундай қароридан  ажабланмаса ҳам бўлади. Россия футбол иттифоқига нисбатан санкциялар ишлашда давом этмоқда. Жумладан ФИФАдагилар ҳам русларни ҳар қандай расмий мусобақаларда иштирок этишига қарши. Бу санкциялар амал қила бошлаганига ҳам 4 йилдан ўтди. Россия терма жамоаси фақатгина ўртоқлик учрашувлари ўтказиш ҳуқуқига эга халос. Қуръа ташлаш маросими 12 февраль куни бўлиб ўтади.

Миллатлар лигасининг амалдаги ғолиби Роналду етакчилигидаги Португалия терма жамоаси ҳисобланади.