"UFC 261": Валентина Шевченко навбатдаги жангини ўтказди

Айни дақиқаларда АҚШнинг Жексонвилл шаҳри "UFC 261" турнирига мезбонлик қилмоқда. Ҳозирга келиб, прелим кард ва андеркарддаги жанглар ўз якунига етиб, асосий уч чемпионлик жанги бошланди. Дастлаб, аёллар ўртасида супер енгил вазн тоифаси вакиласи асли қирғизистонлик бўлган чемпион Валентина Шевченко даъвогар Жессика Андрадега қарши октагонга кўтарилди. 

Биринчи раундда Шевченко яққол доминантлик қилди. У тэйк-даун"лар ва аниқ зарбалар борасида ҳам рақибасидан бир бош устунлик қилди. Жессика биринчи раундда Шевченкога етарли қаршилик қила олмади. 

Иккинчи раунднинг бошида яна бир "тэйк-даун"ни амалга оширган Валентина рақибасига кетма-кет зарбалар билан Жессикани кўз очирмади ва натижада техник нокаут эвазига ғалаба қозонди. Шу тариқа қирғизистонлик жангчи қиз ўзига тегишли бўлган титулни муносиб ҳимоя қила олди.