UFC-264. Узоқ кутилган жанг мудатидан аввал якунланди (матнли трансляция)

Ассалому алайкум, азиз UFC ихлосмандлари! Бугун барчамиз сабрсизлик билан кутган "UFC 264" турнири бўлиб ўтмоқда. Бироздан сўнг, кечанинг асосий кард жанглари старт олади. Ушбу тўқнашувларни сиз билан Жалолиддин Қобилжонов матнли трансляция тарзида кузатиб боради.

9:35. Порье трилогияни ўз фойдасига ҳал этди. Балки Конор тўлиқ жароҳатидан қайтса, якунланмаган жангни тугатиб қўйишар. Макгрегорга соғлиқ тилаймиз.

9:27. Конорнинг оёғи синиб кетди ва жароҳат сабабли жанг якунланди!

9:23. Конор жангни вертушкалар билан бошлади. Кейинчалик лоукиклар амалга оширди.

9:22. Биринчи раунд бошланди!

9:19. Баффер жангчиларни таништиришни бошлаб юборди.

9:14. Энди октагонга Дастин Порье кўтарилмоқда

9:10. Биринчи бўлиб Конор Макгрегор октагонга чиқиб келмоқда!

9:04. Тайёрмисиз? Олдинда бизни асосий жанг кутмоқда!

9:02. Жанг тўлиқ давом этди. Гилберт Бернс ҳакамларнинг қарорига кўра ғалаба қозонди. 

8:53. Иккинчи раундда ҳам бразилиялик жангчи бироз устунлик қилди

8:47. Жангчилар дастлабки раундни деярли тўлиқ партерда зўтказишди. Зерикарли раунд гувоҳига айландик.

8:42. Биринчи раунд бошланди.

8:39. Спортчилар октагонга чиқиб келишди

8:29. Бироздан сўнг Гилберт Бернс (19-4) – Стивен Томпсон (16-4-1) ўртасидаги жанг бошланади.

8:27. Кечанинг асосий жангига оз қолмоқда. Порье ва Макгрегор баҳси олдидан яна бир ажойиб тўқнашув гувоҳига айланамиз.

8:18. БУУУМ! Ўтказиб юборилган оғир зарбадан сўнг Тай Туйваса қайтди ва чап қолдаги кучли зарба билан Хардини ухлатиб қўйди.

8:16. Таниқли қўшиқчи Жастин Бибер ҳам жангларни "T-Mobile" аренадан кузатиб бормоқда

8:15. Спортчилар октагонга чиқиб келди. Бироздан сўнг жанг бошланади.

8:08. Навбатдаги жанг оғир вазн тоифасида бўлиб ўтади. Бу тўқнашув Тай Туйваса (11-3) – Грэг Харди (7-3) ўртасида кечади

8:01. Ирэн Алдана раунд якунланишига 25 сония қолганида техник нокаут эвазига ғалаба қозонди. 

7:57. Жанг бошланди!

7:50. Асосий карднинг иккинчи жанги бошланиш арафасида. Бу тўқнашув аёллар ўртасида ўтказилади. Ирэн Алдана (12-6) россиялик Яна Куницкаяга (14-5) қарши октагонга кўтарилади. 

7:39. ТУГАДИ! Кетма-кет оғир зарбалардан сўнг рефери жангни тўхтатди. О’Мэлли учинчи раунда техник нокаут эвазига ғалаба қозонди.

7:38. Моутиньо рақибига "тирик мешок" вазифасини бажариб бермоқда. 

7:35. Учинчи раунд бошланди!

7:33. Иккинчи раундни ҳам Шон катта устунлик билан якунлади. 

7:31.  О’Мэлли октагонда хоҳлаганини қилмоқда. Моутиньо зарбаларни қабул қиляпти. 

7:28. Иккинчи раунд бошланди.

7:27. Раун якунланди. Сўнгги сонияларда Моутиньо кучли зарба қабул қилиб олди. Уни бонг қутқарди. 

7:25. Шон кетма-кет сериялар ишламоқда. Моутниьо кучли зарбаларни қабул қилиб олди.

7:22. Биринчи раунд бошланди. О'Мэлли дастлабки дақиқалардан лоукиклар билан рақибиги босим қилмоқда.

7:17. Асосий кард жанглари старт олмоқда. Ранг-баранг сочлар ўртасидаги жанг бошланмоқда. Шон О’Мэлли ва Крис Моутиньо октагонга чиқиб келди.