UFC чемпиони хоккейчи билан музда жанг қилмоқчи

Ўрта вазнда амалдаги UFC чемпиони Шон Стриклэнд Миллий хоккей лигасининг (NHL) "Вегас Голден Найтс" клуби ўйинчиларидан бири билан жанг қилишни истамоқда.

"Мен ҳақиқатан ҳам хоккейчини мағлуб этишни хоҳлайман... Лекин баҳс адолатли бўлиши учун муз устида курашишимиз керак. "Вегас Голден Найтс", менга қарши чиқадиган йигитни ўзингиз танланг", - деб ёзди Шон Х ижтимоий тармоғидаги саҳифасида.

Эслатиб ўтамиз, Стриклэнд "UFC 328" турнирида Хамзат Чимаевни очколар эвазига енгиб, чемпионлик камарини қўлга киритганди.