UFC чемпионидан нохуш хабар: тикланиш вақти яна чўзилди

Англиялик ММА устаси Том Аспиналл "UFC 321" турнирида Сирил Ганга қарши жангда кўзидан жароҳат олганди. Шундан сўнг ҳали октагонга қайтмади. Тикланиш жараёни ҳам тобора чўзилиб бормоқда.

"Ҳозиргина текширувдан ўтдим. Дарҳол жанг қилишимга рухсат берилади, деб ўйлагандим, бироқ шифокорлар яна бир неча ой кутишим кераклигини айтди. Кўзларимдаги ҳужайралар тикланиши учун бироз кўпроқ вақт керак экан. Тузалим биланоқ, дарҳол машғулотларга киришаман", – деди Англия вакили.

Эслатиб ўтамиз, Аспиналл – оғир вазн тоифасида амалдаги UFC чемпиони ҳисобланади. Алекс Перрейра ва Сирил Ган эса 15 июнь куни Оқ Уйда вақтинчалик камар учун жанг қилишади.