UFC чемпионлиги учун икки даъвогар қаттиқ тортишиб қолди

Бразилиялик UFC жангчиси Карлос Пратес Эквадор вакили Майкл Моралесга мурожаат қилиб, у билан октагонга чиқишдан қўрқмаётганини таъкидлади.

"Агар Майклнинг ҳам мен каби икки қўли ва икки оёғи бўлса, у билан жанг қилишга тайёрман. У мени қўрқаётганимни айтибди. Нақадар кулгили-а?! Моралес, мен сендан қўрқмайман. Мен биринчи рақамли даъвогар сифатида чемпионлик камари учун октагонга чиқаман.

UFC ҳалигача сен билан жанг таклифини бермади. Бироқ таклиф қилиши биланоқ, албатта, мен рози бўламан ва сени жуда тез нокаутга учратаман. Ҳаммаси биринчи раунднинг ўзида тугайди, хавотир олма", — дея таъкидлади Пратес.

Эслатиб ўтамиз, икки UFC юлдузи ҳам охирги жангида муддатдан аввал ғалаба қозонган эди.