UFC нинг мега-юлдузи фаолиятини якунламоқчи

Америкалик UFC жангчиси Жастин Гэтжи амалдаги чемпион Илия Топурия билан жангдан сўнг ММАдаги фаолиятини якунлаши мумкинлигини айтди.

"Нафақага чиқиш ҳақида ўйлаб ҳеч қачон октагонга кирмаганман. Бироқ энди каръерам якунига етмоқда. Топурияга қарши тўқнашув эса фаолиятим сўнггида ўзимни яна бир бор кўрсатиш учун катта имконият. Ўша куни октагонга чиқаман ва қўлимдан келганча шоу кўрсатаман. Нафақага эса ушбу баҳсдан сўнг чиқишим мумкин", - дея америкаликнинг сўзларини келтирди "Bloody Elbow".

Эслатиб ўтамиз, Жастин Гэтжи ва Илия Топурия тўқнашуви 14 июнь куни "UFC White House" турнирида ўтказилади.