UFC президенти: Менга ўн ярим йил умрим қолганини айтишди...

UFC президенти Дана Уайт қон ва ДНК текшируви орқали умр кўриш давомийлигини аниқлайдиган "ўлим бўйича мутахассис" билан учрашгани ҳақида гапирди.

"Мен қачон ўлишимни билиш ғоясига берилиб кетдим. Учрашувга келдим, улар мендан қон таҳлиллари олишди, ёноқларимнинг ички қисмидан таҳлиллар олишди, шундан сўнг мен уч ярим соат давомида натижани кутдим, шу вақт ичида мен жуда асабийлашдим.

Охир-оқибат у чиқиб, ўн ярим йил умрим борлигини айтди. Агар сиз турмуш тарзингизни ўзгартирмасангиз, сизнинг умрингиз шунча қолди, деб айтди.

Мени қўрқитадиган нарса шундаки, мен унга муаммоларим ҳақида ҳеч нарса айтмадим, лекин у менга қон таҳлиллари асосида бутун касаллик тарихини айтиб берди. У менга бошимга тушган ҳамма нарсани, жумладан, хотиним ҳам билмаган нарсаларни айтиб берди.

Шунинг учун мен у тавсия қилган ҳамма нарсани қилдим. Мен 13,6 кг вазн йўқотдим. Тахминан ўн уч ҳафта олдин, оёқларим даҳшатли ҳолатда эди. Ҳатто эгилиб, туфлиларимни боғлай олмадим.

Баъзи кунлари зўрға юрардим. Ҳозир ундай эмас. Бу муаммоларнинг барчаси ўн ҳафта ичида йўқ бўлиб кетди ", - деди Уайт.