UFC раҳбари Дана Уайтга қандай жангчилар ёқади?

UFC президенти Дана Уайт жангга тез-тез чиқишга интилган спортчиларни алоҳида қадрлашини таъкидлади.

"Мен шундай жангчиларни яхши кўраман. Contender Series лойиҳаси UFC ва бутун бизнес учун катта ўзгариш олиб кирди. Энг ёқимли жиҳати шундаки, у ердан келган йигитлар октагонга қадам қўйиши биланёқ кучли таассурот қолдиради ва дарҳол яна жанг қилиш истагини билдиришади. "Fight Island" даги Хамзат Чимаевни эслайлик: у “Кейинги ҳафтанинг ўзида яна октагонга чиқмоқчиман." дерди.

Қанча кўп одам сени билса, исминг шунча тез машҳур бўлади. Якшанба, душанба кунлари сен ҳақингда кўпроқ гапиришади, натижада даромадинг ҳам ортади”, — деди Уайт.

Эслатиб ўтамиз, UFC нинг навбатдаги турнири 29 август куни Шанҳайда ўтказилади.