UFCнинг энг енгил вазн тоифаси чемпионини жангга чорлашди

UFCнинг энг енгил вазн тоифаси вакили бразилиялик Алешандре Пантожа (24-5) ушбу дивизион чемпиони Брэндон Моренога (19-5-2) ўзига хос чақирув ташлади:

"Биринчи марта уни "The Ultimate Fighter" шоусида енгганман, кейин йўлларимиз UFC турнирида кесишган ва мен уни яна мағлуб қилдим. Бу сафар у жиддий қайтиш қилди ва чемпионликни қўлга киритди. Аммо, ҳозир менинг пайтим келди, Морено! Декабрьда жанг қилишингни кутаман. Сен шундай бўлгани яхши деб ўйласанг, шундай бўлақолсин. Декабрьда жанг қилиш мен учун ҳам қулай.",-деди Пантожа.

Эслатиб ўтамиз, куни кеча бразилиялик жангчи "UFC Vegas 34" турнирида АҚШ вакили Брендон Ройвеллни (12-6) иккинчи раунд ўтиб бораётган паллада бўғиш услуби эвазига мағлуб этганди.