Уго Льорис: Роналду барчасига қодир!

УЕФА Миллатлар Лигаси 3-туридан ўрин олган Франция - Португалия терма жамоалар ўртасидаги беллашув олдидан мезбонлар сардори Уго Льорис Роналду ҳақида фикр билдирди:

"Криштиану ўта мукаммал ўйинчи. У барчасига қодир ва аксарият ҳолларда, учрашув масаласини айнан у ҳал қилади. Мен ушбу футболчи ва унинг фаолиятига доим қойил қолганман. Роналду ажойиб ҳужумчи, бироқ олдимиздаги беллашувда ғалаба қозонишга ҳаракат қиламиз".

Ушбу беллашув эртага, Франциядаги "Стад де Франс" стадионида бўлиб ўтади. Маълумот учун, ушбу ўйингоҳда 2016 йилги Европа Чемпионати финали бўлиб ўтган ва унда португаллар французларни 1:0 ҳисобида мағлуб этганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)