Ugo Loris: Ronaldu barchasiga qodir!

UEFA Millatlar Ligasi 3-turidan o‘rin olgan Frantsiya - Portugaliya terma jamoalar o‘rtasidagi bellashuv oldidan mezbonlar sardori Ugo Loris Ronaldu haqida fikr bildirdi:

"Krishtianu o‘ta mukammal o‘yinchi. U barchasiga qodir va aksariyat hollarda, uchrashuv masalasini aynan u hal qiladi. Men ushbu futbolchi va uning faoliyatiga doim qoyil qolganman. Ronaldu ajoyib hujumchi, biroq oldimizdagi bellashuvda g‘alaba qozonishga harakat qilamiz".

Ushbu bellashuv ertaga, Frantsiyadagi "Stad de Frans" stadionida bo‘lib o‘tadi. Ma’lumot uchun, ushbu o‘yingohda 2016 yilgi Evropa Chempionati finali bo‘lib o‘tgan va unda portugallar frantsuzlarni 1:0 hisobida mag‘lub etgandi.