Украина ўз тарихидаги энг йирик мағлубиятни қабул қилиб олди

Андрей Шевченко бошчилигидаги Украина терма жамоаси кеча Францияга қарши ўртоқлик ўйинида майдонга тушди ва 7:1 ҳисобида мағлуб бўлди.

Маълумотларга қараганда, бу Украина терма жамоасининг тарихдаги энг йирик мағлубияти бўлди. Шу пайтгача ушбу терма жамоа бир ўйинда ўз дарвозасидан 4 тадан ортиқ гол ўтказиб юбормаган.

Украина шу пайтгача Испания, Хорватия, Чехия, Словакия, Франция, Руминия ва Германия терма жамоаларига қарши ўйинлардагина 4 та гол ўтказган.

Франция терма жамоаси 2014 йилдан буён илк бор бир ўйинда 7 та гол урди. Ўшанда французлар Ямайкани 8:0 ҳисобида таслим қилган.