Улар Роналдудан тиз чўкиб узр сўрайди!

Таниқли журналист Пирс Морган Англия Премьер-лигасининг навбатдаги турида ўзаро тўқнаш келадиган “Арсенал” ва “Манчестер Юнайтед” ўйини олдидан ўткир фикрлар билдирди.

- “Арсенал” ҳали манчестерликларнинг таъзирини беради. Ана шу мағлубиятдан кейин мен уларга жаҳоннинг энг яхши футболчисидан воз кечишганини эслатиб қўяман.

“Арсенал” чемпион бўлганида ва “Манчестер Юнайтед” ҳамма нарсадан қуруқ қолганида Эрик тен Хаг ўзи воз кечган Криштиану Роналду олдида тиз чўкиб, ундан ва мендан қилган ҳурматсзликлари учун узр сўрашини кутаман, - деди Морган.

Хабарингиз бор, Криштиану Роналду жаҳон чемпионатидан олдин Пирс Морганга интервью бериб, “Манчестер Юнайтед” раҳбарияти ва бош мураббийини кескин танқид қилганди.

Ана шу материалдан кейин клуб раҳбарияти португалиялик юлдуз билан ўзаро ҳамкорликни муддатидан олдин тугатди.