Умар Нурмагомедов: "Хабибнинг рекордини бузиб ташлайман"

Ўта енгил вазнда UFC жангчиси Умар Нурмагомедов акаси Хабиб Нурмагомедовнинг ғалабали сериядан иборат рекордини янгиламоқчи. 

"Мен Хабибнинг 29 ғалабали рекордини бузмоқчиман. Тўғри, бу осон бўлмайди. Аммо менинг ўз режаларим бор. Йилига 3-4 та жанг ўтказсам ва ютқазмасам, 36 ёшимгача мақсадимни амалга ошира оламан. Навбатдаги жангим эса ҳамон Кори Сэндхаген билан бўлишига ишонаман. Чунки у айни пайтда мен учун энг яхши рақиб бўлиб турибди", - деди Нурмагомедов "Ушатейка" You Tube каналига берган интервьюсида.

Маълумот учун, Умар Нурмагомедов 18 та ғалабадан иборат серияга эга. Россиялик жангчи ҳозирча мағлуб бўлмади.