Унаи Эмери: Ҳозир Ўзил ҳақида гапирадиган пайт эмас

“Арсенал” клуби бош мураббийи Унаи Эмери кетма-кет 5 та ўйиндан буён майдонга тушмаётган Месут Ўзил ҳақида гапирди.

“Биз ва клуб битта стратегияни қўллаб-қувватлаймиз. Чунки, асосий нарса бу жамоа ва унинг ўйинидир. Биламан мухлислар ниманидир билишни исташади, аммо ҳозир бунинг учун қулай вақт эмас. Менимча ҳозир Ўзил ҳақида гапиришнинг ҳам вақти эмас”, - дейди испаниялик мутахассис.

Эслатиб ўтамиз, “Арсенал” бугун ўз майдонида “Кристал Пэлас”ни қабул қилади. Ўйин Тошкент вақти билан соат 21:30да бошланади.