Unai Emeri nega aynan "Arsenal"ni tanlaganini aytdi

Londonning "Arsenal" klubi bosh murabbiyi Unai Emeri nima uchun aynan “kanonirlar”ning taklifini qabul qilganini izohladi.

“Katta jamoalarda maqsad ham katta bo‘ladi. Bu men uchun katta chaqiruv bo‘ldi. Agar sizni mana shunday jamoa chaqirsa, bunga osongina rozi bo‘lasiz.

Eng muhimi, bu erda mashg‘ulotlar uchun ajoyib sharoitlar, ajoyib stadion va muxlislar bilan ajoyib munosabatlar bor. “Arsenal” nafaqat Angliyada, balki, butun dunyoda mashhur hisoblanadi”, - deydi ispaniyalik mutaxassis.

Eslatib o‘tamiz, Unai Emeri “Arsenal”ni 2018 yilning yozidan buyon boshqarib kelmoqda.