Уни Италияда кутишмоқда

Жорий мавсумда тўртинчи ўринни эгаллаб турган “Аталанта” келаси мавсумда Европа чемпионлар лигасида қатнашишга тайёргарлик кўрмоқда.

Мудофаа чизиғини мустаҳкамлашга бел боғлаган бу жамоа “Валенсия”да тўп сураётган Италия терма жамоаси аъзоси Алессандро Флоренцини олиб келмоқчи. Бу футболчининг трансфер ҳуқуқи “Рома”га тегишли ва у примерада ижара асосида ўйнамоқда.

“Аталанта” Флоренци учун римликларга ҳужумчи Луис Муриэлни таклиф қилишни режалаштирган. Агар бу рокировка “Рома”ни қониқтирмаса, “Аталанта” 15-20 миллион евродан воз кечишга мажбур бўлади.