Уни сота кўрманг! “Челси”даги вундеркинд 10 та клубдан таклиф олди

“Челси” академияси Европада энг сермаҳсул фаолият кўрсатаётган муассалардан. Ҳар йили “Челси”нинг ўнлаб тарбияланувчилари бошқа жамоаларга жўнатилади. Улар орасида фавқулодда истеъдодлилари ҳам  бор.

Ана шундайлардан бири Леви Колвиллдир.

Айни пайтда марказий ҳимоячи қуйи лигада “Хаддерсфилд Таун” жамоаси шарафини ҳимоя қилмоқда. Шунга қарамай, бу ўйинчи қатор клублар нишонда. “Ньюкасл” ҳозирнинг ўзида ёш футболчи учун 30 миллион фунт таклиф қилмоқда.

Харидорлар орасида “Хаддерсфилд Таун” ўзи, “Вест Хэм”, “Лестер Сити”, “Кристал Пэлас” бор. Бундан ташқари, Германия, Италия ва Испаниядан яна камида бешта клуб Левини ўз сафида кўрмоқчи.

“Челси” мухлислари эса клуб мутасаддилари истеъдодли ҳимоячини сотиб юбормасдан, асосий жамоага жалб этишни талаб қилмоқда.