Усмон Нурмагомедовнинг келажакда қайси лигада жанг қилиши деярли аниқ бўлди

UFC собиқ чемпиони Даниэль Кормье жамоадоши Усмон Нурмагомедовни UFC га ўтишга кўндираётгани ҳақида видеолар тарқалмоқда.

"Ҳой Усмон, қачон UFC га келасан? Вақтни беҳуда ўтказма. Энди гап тарих яратиш ҳақида кетяпти. Мерос яратиш вақти келди. Сен UFC нинг енгил вазнли жангчиларини "қоп" деб ҳисоблайсанми? Унда кел ва буни менга исботла. Хабиб ҳам UFC га ўтишинг тарафдори. Ҳозир сен уни тинглашинг керак", - деди Кормье ижтимоий тармоқларда кенг тарқалган видеода.

Эслатиб ўтамиз, енгил вазн тоифасида PFL чемпиони Усмон Нурмагомедов ўтган ой охирида эркин агентга айланди ва "UFC 330" турниридан бир ҳафта олдин у ташкилот вице-президенти Хантер Кемпбелл билан суҳбатлашаётганини пайқашди, бу эса Усмоннинг UFC га ўтиши мумкинлиги ҳақидаги маълумотларни тасдиқламоқда.