Биринчи лига вакили “УзДонгЖу” жамоаси 5 январдан бошлаб иккинчи ўқув машғулот йиғинларини бошлаб юборди.Машғулотларни бош мураббий Нозим Муллаохунов ва Вадим Шадиматов, дарвозабонлар мураббийси Хамидилло Зокировлар олиб боришмоқда.

Машғулотлар жамоанинг базаси ҳисобланган  Шўрбулоқдаги мактаб-интернатнинг сунний майдони ва тренажёр залида икки махалдан олиб борилмоқда. Йиғин давомида 11 январ “АОЗСК” ва 18 январ “УзТонгХо” жамоалари билан назорат ўйинлари ташкил этиш режалаштирилган.

Жамоа аъзолари 21 январ куни Тошкентдаги  Республика спорт тиббиёти илмий – амалий марказида тиббий кўрикдан ўтказилиши режалаштирилган.