UZREPORT TV Маҳмуд Мурадов жангини жонли эфирда намойиш қилади

29 август куни Лас -Вегасда "UFC Vegas 35" турнири бўлиб ўтади.

Кечанинг марказий жангида Эдсон Барбоса ва Гига Чикадзе ўзаро тўқнаш келади. Ўзбекистонлик ММA ишқибозлари учун мазкур турнирнинг ўзига хос жиҳати шундаки, унда ҳамюртимиз Маҳмуд Мурадов океан орти вакили Жералд Миршертга қарши жанг қилади.

UZREPORT TV мазкур мусобақага мухлислар томонидан бўлган катта қизиқишни инобатга олиб,  "UFC Vegas 35" турнирини жонли эфирда намойиш қилади. Трансляция 29 август куни эрта тонгда соат 07:00 да бошланади.

Шунингдек, жонли эфирдан Брайн Батлл - Жилберт Урбина, Рикки Турсиоз - Бреди Хистенд, Кевин Ли, Даниэль Родригес, Aндре Петровски - Майкл Жилмор ўртасидаги жанглар ҳам ўрин олган.

Бу борада UZREPORT TV каналининг расмий саҳифаларида маълум қилинди.