Вадим Абрамов: Ҳар 3 кунда майдонга тушиш? Мен буни тўғри деб ўйлайман

Суперлиганинг 24-туридан ўрин олган «Бунёдкор» - «Навбаҳор» (2:1) учрашувидан кейин ўтказилган матбуот анжуманининг биринчи қисмида мезбонлар устози Вадим Абрамов ОАВ ходимларининг саволларига жавоб қайтарди.

"Бугун курашларга бой ўйин гувоҳига айландик. Назаримда бугунги баҳс мухлисларга ҳам маъқул бўлди. «Навбаҳор» жиддий рақиб! Биз анчадан бери ғалаба қозонмаган эдик. Шу боис футболчиларда ғалабага бўлган иштиёқ кучли эди. Ўйинни жуда яхши бошладик. Дастлабки 15 дақиқада устунлик қилдик. Кейин индивидуал хатолар бўлди. Иккинчи бўлим учун йигитларга раҳмат! Майдонга тушишди, хотиржам ҳаракат қилишди ва гол уришди. Рақиб дарвозасини ишғол қилиш учун бошқа имкониятларимиз ҳам бўлди. Фикримча, бугун биз ғалабага яқинроқ эдик.

«Пахтакор»ни мағлуб этишга ҳаракат қиламиз. Чунки ҳозир бизга ғалаба ҳар доимгидан-да, кўпроқ керак. «Пахтакор» барча совринларини қўлга киритиб бўлди. Ўйлашимча, қизиқарли ўйин бўлади. Йигитлар бу баҳсга муносиб равишда тайёргарлик кўришади ва чемпионни мағлуб этиш учун бор имкониятни ишга солишади.

Мухлисларни стадионга қайтариш учун нима қилиш керак? Фикримча, учрашувларнинг рекламасини кўпайтириш, кўчалардаги афишалар сонини оширишимиз лозим. Менимча, шу жиҳат ишқибозларни стадионга қайтишига камлик қиляпти. Боиси, жамоалар чиройли, мухлисларга ёқадиган ўйин намойиш қилмоқда. Лекин учрашувлар қачон ўтказилаётганини айрим ҳолатларда биз ҳам била олмай қоляпмиз.

Ҳар уч кунда майдонга тушаётганимизни табиий ва тўғри деб қабул қиламан. Жаҳон футболи буни тўғри эканлигини кўрсатиб бермоқда. Аксинча, биз чемпионатда кам майдонга тушяпмиз. Машғулотлар майли, футболчилар учрашувларда майдонга тушиш орқали ўсади", - деб Абрамовнинг сўзларини келтириб ўтди клуб матбуот хизмати.

Фикрлар

Саралаш
Фикр қолдириш учун авторизациядан ўтинг!
Абдусамат Жураев
24/11/2019 20:53
Термага БОШ МУРАБИЙ булмаганда хар кун уфф билан уришарди энди уйини кутинни ялаяпти ХА келишмасанг шунака келишсанг пидираз хакамлар хам сан томонда бугун мана кайдаги огзидан сути кетманаган сутакни навбахорга карши Уфф куйиб берди хеч ким танимайдиган иккита 290% лик ПЕНАЛТИ бермади лекин навбахорга куйберди ИНСОФ узинга берсин ХЕЧ КАЧОН ФУТБОЛ ривожланмайди бунакада
Жавоб ёзиш
&
USMANOV_82
24/11/2019 23:00
Хафа булманглар-у, бунака ифлос уйинлардан кейин МТЖ ни жахон чемпионатига чикиши биз учун армон булиб колаверади. Хуллас пазор Эрматов!!!
Жавоб ёзиш
&
Shaymardonov Nurbek Nasimovich
24/11/2019 21:42
Sayt hodimlari kecha nasaf uynadi. Ruzi akani matbuyati. bu turdan keyin chiqadimi. Keyin sayt hodimlari uyinlari hammasini kurib chiqib tahlil qilib sudiyalarni. ishini hamma gapirapti. Ravshan akamiz bilan bir savol javob qilib kuringla qani. Kecha Nasafni shunchaki sudiya ustidan kulib. magzava ogdardi bechora yoshla akalariga gapirib ham ololmadi.
Жавоб ёзиш
&
Shoxrux MTJ
24/11/2019 20:36
Abramov 100 % xaq.. Yevropada xar 3 kunda maydonga tushadi va shuning uchun xam jismonan baquvvat.. Odam xar kuni yugursa u bilinmaydi.. Lekin 1 xaftada 1 marta yuguradigan bolsa xarsirab tez charchab qoladi.. Buni keyingi yilam qollab xar 3 kunda oyin otkazish lozim..
Жавоб ёзиш