Vadim Abramov: Jamoa o‘z o‘yinini topib oldimi yoki yo‘qmi, buni keyingi turda bilib olamiz

“Bunyodkor” – “Andijon” uchrashuvidan so‘ng mezbonlar jamoasi ustozi Vadim Abramov o‘yin borasida o‘z fikrlarini bildirib o‘tdi. Bu haqda PFL matbuot xizmati xabar berdi.

- Uchrashuv biz uchun biroz qiyin o‘tdi. Bahs shunday ko‘rinish olishini oldidan taxmin qilgan edim. Zero, yosh futbolchilardan iborat jamoa bir ma’romda o‘ynashi oson emas. Shunday bo‘lsa-da bugun eng muhimi g‘alaba qozona oldik. Bugun omad bizga kulib boqqanini ta’kidlay olaman. Jamoa o‘z o‘yinini topib oldimi yoki yo‘qmi, buni keyingi turda bilib olamiz, - dedi mutaxassis.