Вальдано: “‘Реал" учун омадсиз қуръа, "Барса" учун эса қулай йўл”

"Реал Мадрид" собиқ ҳужумчиси ва мураббийи Хорхе Вальдано Чемпионлар лигаси қуръаси ҳақида ўз фикрини билдирди. Унинг таъкидлашича, "Барселона"га тушган жадвал "Реал"никидан енгилроқ.

"Реал" учун қуръа омадли бўлмади. Қийинчиликлар ҳатто енгилроқ кўринадиган ўйинларда ҳам бўлади. "Барса"нинг ҳолати анча яхши, аммо бундай жадвалда ҳеч бир жамоа дам олишга ҳаққи йўқ. Қуръа ҳар бир клуб учун муҳим — олинган рақиблар тайёргарликка ҳам таъсир кўрсатади.

"Реал"га эса Олмаотага боришга тўғри келади. Масофа жиҳатидан бу Нью-Йоркка сафар қилиш билан тенгдош, балки ундан ҳам узоқ", — деди Вальдано "Movistar" эфирида.

Қуръа натижаларига кўра, "Реал" уйда "Манчестер Сити", "Ювентус", "Марсель" ва "Монако"га қарши баҳс олиб боради. Сафарда эса "Ливерпуль", "Бенфика", "Олимпиакос" ва Қозоғистоннинг "Қайрат" жамоаларига қарши ўйнайди.

"Барселона" эса ўз майдонида ПСЖ, "Айнтрахт", "Олимпиакос" ва "Копенгаген" билан тўқнаш келади. Сафар баҳсларида эса каталонлар "Челси", "Брюгге", "Славия Прага" ва "Ньюкасл"га қарши майдонга тушади.

Маълумот учун, Мадриддан Олмаотагача масофа тахминан 6 440 километр, Нью-Йорккача эса 5 770 километрни ташкил этади.