"Валенсия" ўзининг тарихий рекордини янгилади

Хабарингиз бор кеча Ла Лиганинг 30-турида “Валенсия” ўз майдонида “Реал”ни қабул қилди ва 2:1 ҳисобида ғалаба қозонди.

Шу тариқа “кўршапалаклар” ўзларининг мағлубиятсиз сериясини 17та ўйинга етказиб олишди. Эътиборлиси, бу клубнинг янги рекорди ҳисобланади. Жамоанинг бу борадаги аввалги рекорди 1941/42 йилги мавсумда қайд этилганди. Ўшанда “Валенсия” футболчилари қаторасига 16та ўйинда мағлуб этадиган жамоа топилмаган.

Эслатиб ўтамиз, “Валенсия” сўнгги бор 22 январь куни мағлубиятга учраган эди. Шундан буён улар 17та ўйинда иштирок этишди ва 10та ғалаба, 7та дуранг қайд этишди.