"Валенсия" тўпурари А Серия гранди сафига бориб қўшилиши мумкин

"Валенсия" ҳужумчиси Родриго Морено "Наполи"нинг қизиқишлар доирасига кириб қолди. Бу ҳақда Sky Sport Italia нашри хабар тарқатмоқда.

Юқоридаги манбаага қараганда агар неаполликлар ПСВ вингери Ирвинг Лосанони қўлга кирита олишмаса, бор эътиборларини айнан Испания терма жамоаси форвардига қаратишади. А Серия клуби хатто ушбу эҳтимолий трансфер масаласида “кўршапалаклар” раҳбарияти билан ҳам боғланишган.

Эслатиб ўтамиз, "Наполи" шунингдек Мауро Икарди ("Интер") ва Ромелу Лукаку ("Манчестер Юнайтед") каби ҳужумчилар учун курашда ҳам иштирко этмоқда.

Маълумот учун, Родриго ўтган мавсум “Валенсия” сафида жами 51та ўйинда майдонга тушди ва 15та гол ҳамда 10та голли узатмага муаллифлик қилишга эришди.