Вальверде “Атлетико” “Реал”дан яхшироқ ўйнаганини таъкидлади

"Реал Мадрид" жамоаси сардори Федерико Вальверде Испания Суперкубогининг ярим финалида "Атлетико"га қарши қийин кечган ғалабадан сўнг ўз фикрларини билдирди.

Вальверденинг Marca нашрига айтишича, учрашув ўзи учун омадли кечган, чунки у баҳс бошида жамоаси учун муҳим голни урган. Шу билан бирга, у "Реал"да имкониятлар бўлганини, аммо рақиб жамоа ўйин жиҳатидан устунлик қилганини таъкидлади.

"Бундай учрашувларда ҳимояланишни ҳам, ҳужум қилишни ҳам билиш керак. Биз ўйин давомида сабр қилишимизга тўғри келди. Баъзи​ жиҳатларни яхшилаш ва янада ишончли ҳаракат қилишимиз лозим. Биз рақибга ўз ўйинимизни ўтказа олмадик​", — деди футболчи.

Маълумот учун, "қироллик клуби" "матрасчилар"ни 2:1 ҳисобида мағлуб этди. Турнир финалида улар "Барселона"га қарши майдонга тушади.