Вальверде "Барселона"дан кетишга рози бўлди

Янги мавсумда "Барселона"ни янги мураббий бошқаради. Бу ҳақда испаниялик журналист Гонсало Миро хабар бермоқда.

“Эрнесто Вальверде июнда ўзининг “Барселона”даги фаолиятини якунлайди. Бундай қарорга клуб ҳам, унинг ўзи ҳам рози бўлган”, - дейди Миро.

Маълумот учун, 55 ёшли мутахассис “Барселона”ни 2017 йилдан буён бошқариб келмоқда. Унинг клуб билан амалдаги шартномаси эса жорий мавсум якунида ўз ниҳоясига етади.