Valverde bilan mushtlashgan futbolchi "Barselona"ga o‘tish istagida

Aleks Baena "Barselona"ga o‘tishi mumkinligi haqida gapirdi. 

Kataloniyaliklar "Vilyayareal" yarim himoyachisiga qiziqayotgani qishdayoq ma’lum bo‘lgandi. Qayd etilishicha, Xaviga ushbu futbolchi yoqadi. 

"Bu kimga yoqmaydi? "Barselona"da o‘ynash - katta orzu. Bu dunyodagi eng yaxshi klublardan biri. Istalgan futbolchi "Barsa"da o‘ynashni istaydi. 

Shunday bo‘lsada, men bolalikdan beri o‘ynab kelayotgan klubimdaman va bu erda ekanligimdan xursandman. Na men va na atrofimdagilar hech narsa eshitmadi. Bor e’tiborimni mavsumning so‘nggi qismiga qaratganman. 

Shartnomamdagi tovon puli 60 million evroni tashkil etadi. O‘ylaymanki, ketishim uchun bu summani to‘lashlari kerak bo‘ladi", - dedi "sariq suv osti kemasi" futbolchisi.