Вальверде Гризманнинг трансферига розилик билдирди

"Барселона" клуби бош мураббийи Эрнесто Вальверде "Атлетико" форварди Антуан Гризманнинг трансферига розилик билдирди. Бу ҳақда AS нашри хабар тарқатмоқда.

Юқоридаги манбаага кўра “кўк-анор ранглилар” устози франциялик футболчини сотиб олиш масаласида раҳбарият билан гаплашган ва улар якунда ушбу трансферни амалга оширишга келишиб олишган.

Бироқ, дастлаб “Барса” футболчилари Гризманнинг трансферига қаршилик қилишаётгани ҳақида ҳам хабарлар тарқалган эди.

Эслатиб ўтамиз, бундан аввалроқ Гризманнинг ўзи ҳам “Атлетико”дан кетиши ҳақида эълон қилган эди.

Маълумот учун, 1 июль санасидан бошлаб Гризманнинг 200 млн евролик товон пули 120 млн еврога тушади.

Фикрлар

Фикр қолдириш учун авторизациядан ўтинг!