Вальверде: Мессига тенг келадиган футболчи йўқ

Каталониянинг "Барселона" клуби бош мураббийи Эрнесто Вальверде кеча Ла Лиганинг 27-турида "Атлетико" устидан қозонилган ғалабадан сўнг жамоага ушбу муҳим уч очкони келтирган гол муаллифи -Лионель Месси ҳақида ўз фикрларини билдириб ўтди.

"Дунёда Мессига тенг келадиган футболчи йўқ. Агар у "Атлетико" сафида ўйнаганида бугун нималар бўлишини тасаввур ҳам қила олмайман. 

Бугун мадридликларда голли вазиятлар деярли бўлмади. Бу ҳақиқий ғалаба. Биз чемпионлик учун муҳим қадам ташладик, бироқ олдинда яна кўплаб ўйинлар бор", - дейди Вальверде.

Эслатиб ўтамиз, кечаги ғалабадан сўнг "Барселона" ўзининг энг яқин таъқибчиси ҳисобланган "Атлетико"дан 8 очкога илгарилаб кетди.

Фикрлар

Фикр қолдириш учун авторизациядан ўтинг!