Вальверде "Олтин тўп"ни қўлга кирита оладими?

Мадриднинг “Реал” клуби бош мураббийи Карло Анчелотти Федерико Вальверденинг келажакда “Олтин тўп”ни қўлга киритиш имкониятлари ҳақида гапирди.

"Олтин тўп" Вальвердеми? Ҳозирда бу соврин Карим Бенземага тегишли. Келгуси йил нима бўлишини кўрамиз. Феде мукофотни қўлга киритиши мумкинми? Нега бундай бўлмаслиги керак?" - деди италиялик мутахассис.

Испания чемпионатининг жорий мавсумида уругвайлик 24 ёшли ярим ҳимоячи 11 ўйин ўтказиб, ўз ҳисобига 6 та гол ва битта голли узатмани ёздириб қўйди. 

Унинг "қироллик клуби" билан шартномаси 2027 йилнинг ўрталарига қадар тузилган, трансфер нархи 80 миллион еврони ташкил қилади.