Вальверде "Реал" билан шартномани узайтирмоқчи

Мадриднинг "Реал" клуби ярим ҳимоячиси Федерико Вальверде “қироллик клуби” билан шартномасини узайтириш нияти борлигини маълум қилди.

Эслатиб ўтамиз, бундан аввалроқ мадридликлар 20 ёшли футболчига янги шартнома таклиф қилишмоқчи эканликлари ҳақида хабарлар тарқалган эди.

“Агар қайсидир футболчи “Реал”дан кетишни хоҳлаётган бўлса, демак унинг мияси яхши ишламаяпти. Агар ушбу клубда қолиш имкони бўлса, мен буни қилардим”, - дейди уругвайлик.

Маълумот учун, “Реал” Вальвердени 2016 йилда “Пеньярол” клубидан 5 млн евро эвазига сотиб олган эди. У жорий мавсум мадридликлар сафида Ла Лигада 23та ўйинда иштирок этди.